«Til synaǵynan óttim. Endi tirkep jatsa, qol synaǵy, qaldy aǵaıyn! 120 myń qol jınaý kerek!». Ortalyq saılaý komısıasy janynan qurylǵan Prezıdenttikke kandıdattyń memlekettik tildi meńgerý deńgeıin anyqtaıtyn lıngvısıkalyq komısıasynan shyqqan Ámirjan Qosanov óziniń áleýmettik jelidegi paraqshasynda osylaı dep jazdy.

Al  komısıa  tóraǵasy Myrzataı Joldasbekov prezıdenttikke kandıdattyń  emtıhannyń barlyq úsh kezeńinen súrinbeı ótkenin aıtty.

–Jazba jumysyn bıik deńgeıde jazyp, taqyrypty tereń qamtydy. Qadyr Myrza Áli zamandasymyzdyń óleńin erkin, ádemi oqydy. Úshinshi "Óner-bilim bar jurttar" degen taqyrypta da óte ádemi áńgime órbitti. Biz qanaǵattandyq. Sonymen lıngvısıkalyq komısıasynyń qorytyndysy - Qosanov Ámirjan Saǵıdrahmanuly memlekettik tildi erkin meńgergen. Basqa pikir joq, – dedi Myrzataı Joldasbekov.